找回密碼
 立即註冊
搜索
熱搜: 活動 交友 discuz
查看: 940|回覆: 0

講故

[複製鏈接]

31

主題

0

好友

234

積分

中級會員

Rank: 3Rank: 3

發表於 2016-7-20 21:51:58 |顯示全部樓層
其實係幫個frd post, 唔知把喺文人group啱唔啱, 如唔like, 版主可通知一聲.

post一段仔, 字太多悶到各位就唔係幾好, 想繼續睇落去既可以去佢個FB page:
https://www.facebook.com/peoplelaughmetoocrazy/?ref=aymt_homepage_panel

"請先讓乘客落車 please let passengers alight first!"



每次架地鐵黎果陣,你會聽到呢把聲, 不過唔係default嘅廣播聲, 係真係有個渣住個stop字盾嘅人棟喺你隔離講嘅人聲. 但係你唔會個個站都見到,佢地主要出現喺d比較多人上落嘅站 (例如灣仔 銅鑼灣)冇錯, 小弟就係呢個人. er..嚴格黎講我只係其中一個. 喺呢260個真人月台秩序控制員入面, 我駐守喺灣仔10號閘門. 每朝6點半同站長除哥報到完, 就同守喺11號閘既明仔一齊落月台.
上星期六,我大概6點3左右到左灣仔站, 我咬住個包同除哥吹左陣水就立埋嫁餐落去.
"喂明仔行快d啦..!"
"唉死喇今次..." 明仔嘆住氣
"做咩事呀你?!" 平時明仔做野好淡定, 今日唔知點解佢變得好緊張
"今日動漫呀會展!!"
"哦...係咩..咁點呀?"
"吓?!你第一日返工呀?" 明仔唔明我點解要追問
"返左3個月lor, 啱啱過左試用期咁lor...喂..你知架喎, 你問我做乜唧?"
"唉..冇野喇..." 明仔行喺我前面揮一揮隻手
"喂係喎, 咁動漫又點呢, 你好想去咩, 最多收工同你去lor" 我追上去問
"唉陣間總之你醒少少啦, 我幫唔到你幾多.." 明仔今日好古怪..見佢咁樣我亦冇再追問落去. 跟佢落兩層去到月台, 企番喺兩度玻璃門中間, 沿途明仔亦冇再講野。
"請小心列車與月台間之空隙 錢愁先呢車魚央枱枝精打空池 please mind the gap between the train and the platform" 3分鐘後第一架去堅離地城既地鐵除除咁駛過黎月台.
"喂..明仔....明仔仔仔!!!"
"咩咩咩事呀?"
"到站喇...做野喇喂....."
"哦.請先讓...." 明仔攪咩呢平時係佢提返我架喎..唉算喇, 我今日都係唔好理佢咁多好d..
除哥話地鐵d玻璃門係歐洲入口, 所以隔音功能好夠, 就算你喺車入面唱到宇宙巨漿咁喺出面都未必聽到. 但今朝架車埋站未停定門都未開就已經聽到入面有把聲,叫住"開-----門-----呀" 我回望過去,係一個著住海賊王胡飛件衫,踢住人字拖既廢青,對眼掃到佢頂米色帽先知原來佢都一直望緊我。我即刻轉番身然後舉起左手"stop"字牌扮冇見到佢..
回覆

使用道具 舉報

您需要登錄後才可以回帖 登錄 | 立即註冊

回頂部