找回密碼
 立即註冊
搜索
熱搜: 活動 交友 discuz
查看: 1108|回覆: 0

大鬧廣昌隆 梁漢威(地水南音 )

[複製鏈接]

729

主題

7

好友

2萬

積分

論壇元老

Rank: 8Rank: 8

發表於 2019-1-3 20:17:44 |顯示全部樓層


images.jpg

我呢個絨線仔,行到我腳都跛,今天生意確唔曳,
想話收工點知碰啱班大姐仔,佢哋埋嚟幫襯唔理日斜西,
個個都鬼咁奄尖夾濕滯,以為果個係買朵紅花伴髻圍,
點知揀去揀來佢都嫌細,如來佢想遮住個笪大抆雞,
又有個姑娘佢要買絲圍,幾十隻嘅色水都要配齊,
點知等到佢揀齊佢又嫌貴,攪到烏燈黑火我至得返歸,
想起返上黎真正係唔抵(生白:弊喇),又覺腹中飢餓好似發軟蹄。

(唱者白:話說絨絲仔祭過五臟廟之後,又到聚龍坊瓊芳客棧投宿,個店家話:「喂對唔住人兄,今晚客滿,淨返間柴房,不過好猛鬼架。」個絨絲仔話:「無所謂啦,好過訓街呀,好喇,唔該帶路,唔該帶路。」 )

柴門閉,望下左右東西,房中擺設幾鬼齊,
骨子夾無污糟唔似係有鬼,睇真都更似係女子香閨,
個啲檯椅係酸枝與共雲石砌,花樽與字畫都有齊,
等我行近去床邊來一睇(生白:嘩),高床軟枕幾咁威,
重有套古老既揀妝還未廢,不過的胭脂水粉都已變污泥(生白:咦咦,乜咁架),
喂喂點解有枝柳枝插喺床尾第,重有硃砂符紙畫滿哂靈龜,
有個香爐擺上梳妝櫃,大床對正有一幅水墨鍾馗(生白:喂喂,乜頭乜路呀喂。喂,唔係呀嘛),
唔通呢一度真係有鬼,所以擺滿哂驅邪各樣東西,
點解忽然又覺得好似陰風細細,我的毛管眼都戙起嚇得我魂魄都唔齊(生白:喂喂,唔好嚇我呀喂。喂,唔好嚇我呀喂。唔使驚既,唔使驚喎,怕乜野呮),
想我膽正命平又使乜怕鬼,男兒頭上有七尺光輝,
一於拍扁個枕頭搵個周公傾下偈,我話知你凶神猛鬼一齊嚟。

(生白:嗟,世間上邊有咁多鬼喎。咦咦,喂喂,做乜野喂,無野呀嘛,乜咁既餵。)
忽見飛沙走石嘈嘈閉,房門忽然間打開咗好似有人歸,
臘燭又會著返光搖曳(生白:哎呀),照住個淡妝少婦係處笑口噬噬,
當堂嚇壞個絨線仔,口震震震到嚇到又跪低,
喂喂可憐我有個八十高堂重有個三歲嘅仔,小姐呀你唔好將我難為。

(唱者白:果個女子扶起咗個絨線仔,佢話『騷擾相公真係唔好意思,不過我見到相公你係個好人,我想你幫下我』,『幫你,點幫法呀,得得得得,你講啦,你講啦』。)

我名叫小喬生姓廖,青樓三載好比柳絮把花飄,
識到一個叫做趙槐安與佢心相照,估道從良有望羨煞嬌嬈。

(生白:姑娘你身世可憐,真係令人嘆息咯,不過咁也,猶幸得一個如意郎君,都屬不幸中之大幸也。)
(女鬼白:呀,你唔知架喇。)

飄萍有寄情偏重,傾盡了私囊一旦空,
助那鄙夫成商夫,貨棧新張名喚廣昌隆。

(生白:個郎事業有成,姑娘亦終身有托,可以埋街食井水,真係可喜可賀。)

唉不料好夢難圓成惡夢,好比竹籃打水一場空,
佢棄我如遺還將我毒打,飄萍依舊又飄蓬。
(生白:哈哈,咁都有既,真係人心不估,真係可悲,可悲可嘆。)
我噬臍莫及徒追悔,愁斷肝腸怨滿胸,
三尺紅羅求一死,任從遺恨恨無窮。

(生白:哦哦,聽你咁講,姑娘你真係.....你真係。)
(女鬼白:無錯,我係鬼黎架。)

可憐我有冤無路訴,懇求君子相助拔刀,
你帶我小喬來上路,我要廣昌隆裡殺奸徒。

(女鬼白:只因陰界之中,難容無主孤魂,更不能受陽氣所衝,我求你暫以妻房相稱,藏我冤魂於傘內,前往趙家,我就感恩不淺)
(生白:咁呀,好,小喬姑娘,你唔使驚,我幫你,做得到,做得到既,喂係就趁快,家陣天光喇,早的上路喇。)
(十板南音板面) 喂喂我行先,低聲叫喚句小喬,妻房,喂跟住我黎,雨遮裡頭暫藏身,係權且之計,你今天為報仇,要暫時受下委屈,你要死抵,雖不怕萬苦千辛,要搵到個負心既衰仔,他罪千條,要佢從頭計,深冤定能雪,難再讓他,留於這俗世,我口翕翕來自言自語似足鬼食泥。

(生白:喂,小喬妻呀,你睇下廣州大城,日日都好似趁墟咁架。)

第一津人頭湧湧,二牌樓車馬匆匆,三元宮外啲善信排哂長龍,
四牌樓下有好多店鋪,五仙門外路路皆通,
六榕寺個啲和尚將經誦,我聽到有七弦琴喺度唱緊探監嘅碧容,
個處做緊套八仙賀壽開場做大戲,九層寶塔立城中,
十里嘅長街邊個知到有鬼,所以鬼咁滋遊淡定走過人叢。

(生白:喂喂,睇碰,喂老友,睇碰呀,喂喂喂喂,碰親我唔緊要,千祈唔好碰到我把遮,睇碰。)

走入城隍廟,去把香油奉,等我買的溪錢路票呢的一定要手松,
所謂有錢能使得神心動,等佢哋隻眼開時隻眼閉事事通融。
(生白:我而家買通咗啲城隍小鬼,你放膽去做都唔怕架喇,小喬定的黎呀。)

忙舉步,面向東,最擔心有的熟客系半路相逢,
佢地攔住我黎幫襯買的野用,個陣阻頭阻勢就無陰功,
往日但求生意旺,但係今日千祈咪發市免致會亂龍,
小喬在傘內低聲叫喚,千恩萬謝我哋好恩公,
你一天生意都唔做,為我小喬奔走真是義厚情隆。

(生白:唔好客氣,乜說話,應承得你嘅,一定會得做嘅,你知嘛。)

知否人生在世義為重,伸張正氣要警頑凶,
行行不覺抬頭見,個一個招牌寫住叫做廣昌隆。

(生白:小喬姑娘,我只能夠幫到呢一步架咋,以後嘅野,唔關我事架喇,靠哂你自已架喇,知道嘛,餵我走喇。)
(女鬼白:好呀,多謝哂,真係多謝恩公。)
張開紙傘,捲起啲狂風,小喬魂魄過簾籠,
只見個趙槐安左抱右擁,嬌妻艷妾在懷中,
佢一見陰魂來索命,求饒跪地變作可憐蟲。

(槐安白:喂喂,你咪小喬,你點解會喺度架,小喬,你放過我啦。)
(女鬼白:哈哈,你認得我咩,你都害得我慘喇。)
(槐安白:喂喂,我知錯喇,你放過我啦。)
(女鬼白:放過你?你個負心人呀。)

小喬移恨如山重,忿火登時噴出胸,
怒罵槐安卑賤種,過橋抽板害阿儂,
三尺紅羅奴命殞,紅羅三尺要勒死元兇,
負義之徒無好報,難輕縱,世人應要記取呢一段大鬧廣昌隆。

已有 1 人評分威望 收起 理由
扒扒 + 20 贊一個!

總評分: 威望 + 20   查看全部評分

1) Make peace with your past so it won’t screw up the present.
2) What others think of you is none of your business.
3) Time heals almost everything, give it time.
4) Don’t compare your life to others and don’t judge them. You have no idea what their journey is all about.
5) Stop thinking too much, it’s alright not to know the answers. They will come to you when you least expect it.
6) No one is in charge of your happiness, except you.
7) Smile. You don’t own all the problems in the world.
回覆

使用道具 舉報

您需要登錄後才可以回帖 登錄 | 立即註冊

回頂部