找回密碼
 立即註冊
搜索
熱搜: 活動 交友 discuz
查看: 139|回覆: 0

還原8.31太子站真相

[複製鏈接]

155

主題

0

好友

582

積分

高級會員

Rank: 4

發表於 2019-9-12 15:36:01 |顯示全部樓層

警方速龍小隊8月31號晚喺太子站展開行動,拘捕大批暴徒,但事後就被示威者以至盲反派嘅媒體、政客抹黑為「警察無差別毆打無辜市民」、「黑警濫暴」,聲稱要「還原真相」。囍雨都必須講句,係啊,冇錯啊!的確需要還原真相,讓更多人睇清楚當日暴徒所為。所以大家首先要搞清楚一個問題,就係點解速龍小隊要進入地鐵站內展開執法行動呢?事實就係,先有警方收到現場消息,有港鐵職員、市民報警求助,再有警方派人前往站內;大家又要睇下,當其時站內究竟又發生緊咩事呢?

究竟誰在「無差別」打乘客?

睇番傳媒報道,原來一眾暴徒當晚喺街頭大肆破壞之後邊打邊撤退,一部分人衝入旺角站大肆毀壞站內設施,另一部分人就衝入太子站,除咗破壞設施外,又衝入車廂橫行,更一度阻列車開行以等待同黨上車。暴徒行為引發車廂內嘅乘客不滿,雙方繼而由口角演變成肢體衝突,車廂內乘客力抗,豈料暴徒蜂擁而上,以雨傘、硬物襲擊車廂乘客,有長者被打、女士被搶手機;但暴徒仍不罷休,更以滅火筒向車廂內狂噴。喺咁嘅情況下,有市民及港鐵職員報警求助。

戴頭盔、黑口罩的「無辜市民」?

其後大批速龍小隊進入站內展開行動,但並非如外界所描述咁「無差別打人」,傳媒畫面所見,警員首先喺月台逐個車卡觀察,辨認示威者與普通市民,然後再進入車廂推進搜捕。講到呢度,相信大家都會對其中一個畫面特別印象深刻,就係一對被警方控制嘅男女喺車廂內跪地痛哭、對住電視鏡頭呼天喊地咁大叫「我路過咋!」囍雨又想問下,大家信唔信佢哋只係「路過嘅市民」呢?囍雨就相信佢哋係示威者多啲喇,最明顯嘅破綻就係該名男子仲面戴黑口罩、身邊仲有佢個頭盔,雖然著咗件白色上衣,不過下身仲著住示威者常見嘅黑色緊身褲;而果位女士亦都疑似懷抱住除低嘅頭盔。

事實上,有傳媒翻查多角度畫面發現,喺警方嚟到之前,大批暴徒喺月台以雨傘為遮掩就地換衫,佢哋迅速棄頭盔、扯面罩、除去黑色上衣換上白色或淺色T恤,仲有人大叫「黑警嚟緊,趕唔切啦,快走!換衫!」,然後就喺警察面前扮 「無辜市民」;而警方喺行動中亦都搜出大批示威甚至施暴物資,包括汽油彈、彈叉、鋼珠、尖頭雨傘等。睇過呢啲有片有相嘅畫面之後,相信大家同囍雨一樣都有好多質疑,有咩「市民」會喺月台換衫?會帶住頭盔、口罩甚至汽油彈搭地鐵?呢啲都叫「無辜市民」?咪講笑啦!大家細心諗吓啦!冇人犯法 何須執法?
囍雨想講,大家唔好忘記,過去一段時間以嚟,呢啲所謂「真暴徒、假市民」嘅戲碼已經多番上演,呢班人喺街頭施暴時就心狠手辣、一旦被捕就痛哭流涕扮可憐,繼而誣衊警察濫暴、亂搜身、打人。囍雨覺得,如果暴力事件持續,一定仲會有人不斷以類似手段企圖將警方塑造成「全民公敵」,但大家不妨先冷靜諗一諗,回歸到一個最簡單淺顯嘅道理,就係如果冇人犯法,又何須警察執法呢?
回覆

使用道具 舉報

您需要登錄後才可以回帖 登錄 | 立即註冊

回頂部