找回密碼
 立即註冊
搜索
熱搜: 活動 交友 discuz
查看: 199|回覆: 0

律政中心人去樓空 「骹主」離岸辦公?

[複製鏈接]

1萬

主題

0

好友

7萬

積分

論壇元老

Rank: 8Rank: 8

發表於 7 天前 |顯示全部樓層



律政司司長鄭若驊上月14日訪問英國倫敦期間,遇到示威者抗議,仲喺混亂間跌倒,左手手腕部份甩骹。因為被發現甩骹咁「重傷」都可以着樽領衫而被網民封號「骹主」嘅司長喺英國出席完活動之後就冇再露面。香港風雨飄搖,法律問題一籮籮,好多人都打鑼咁搵司長,但原來司長做完手術放緊病假,不過律政司話司長會繼續處理公務。

司長之前公開表示佢嘅左手手腕部份脫骹,需要用鈦金屬板及骨釘固定骨折部份,又話醫生都話佢嘅左手將未能正常運作至少3個月至1年,仲未來可能要做手術釋放神經。

司長受傷之後,香港法治危機、法律問題一浪接一浪,包括人大法工委話香港法院無權判法例違憲,今日再有議員提出修訂《公安條例》,到底司長幾時出嚟回應吓?律政司今日就回覆八方,話司長接受手術後放緊病假,其間司長仍然繼續處理公務。

由於律政司冇署任安排,所以喺律政司司長缺勤時,有關嘅法律專員會就會行使律政司司長嘅權力,並執行佢嘅職務,包括出席立法會、轄下委員會、小組委員會同事務委員會會議,以及代表政府發言。律政司話,目前有部份工作,由於司長尚未完全康復因而不能處理,例如出席活動等,咁到底司長返咗嚟香港未呢?律政司就冇回應啦。

律政中心人去樓空 「骹主」離岸辦公?
回覆

使用道具 舉報

您需要登錄後才可以回帖 登錄 | 立即註冊

回頂部