找回密碼
 立即註冊
搜索
熱搜: 活動 交友 discuz
查看: 215|回覆: 1

BNO今年首七月近6萬人續領 港人活在鄉愁再掀移民潮覓自由

[複製鏈接]

8123

主題

0

好友

6萬

積分

論壇元老

Rank: 8Rank: 8

發表於 2020-9-22 10:47:34 |顯示全部樓層
BNO今年首七月近6萬人續領
港人活在鄉愁再掀移民潮覓自由



新一輪移民潮已悄悄開始,在「逃生門」前徘徊,如何抉擇

1996年春天,灣仔人頭湧湧,成千上萬港人排隊為求趕上歸化英籍尾班車,甚至出現中年漢因插隊問題大打出手一幕。20多年後香港再掀移民潮,一本BNO護照正式進化成鋪路移民他鄉的「逃生門」。今年首七個月最新續領獲批人數已近6萬,去年全年約12萬人獲批,有港人提早到埗英倫展開新生,有夫婦掙扎多時終於因一條法例決定到異地覓自由,「種恐懼感係我可能只不過講良心說話都會俾人拉⋯⋯基本上你有良知可能都已經係犯法。」

《蘋果》查詢英國內政部護照署,回覆指簡稱BNO的英國海外國民護照,最新截至今年7月中發行數字為374,806本,而今年首七個月續領獲批數字為58,335本,護照署亦指因疫情影響部門運作延誤審批程序,當中4月只有196本,當局已加快人手處理。當局亦確認未取得護照正本人士,若有需要可以申請緊急護照(ETD),可在英國政府網站申請。


港人續領BNO數字自去年下半年開始急增,有移問英國專家指,數字某程度可反映多少港人有意移民

比較過去5年BNO簽發量,2015至2018年每年約1.4萬至3萬,去年頭半年共8,704本,但隨着反送中運動開始,7、8月後審批量激增,下半年急升至逾11萬本增幅驚人,超過2015至2018年間的4年總和。當中包括港人陳氏夫婦(化名),陳太指去年有人發起聯署BNO「平權」,才續領過期十多年的BNO。今年當英國宣佈明年1月實施「五加一」政策,她心情複雜,「因為有逃生機會,但係同時又好內疚,好記得有個(年輕)同事同我講,你哋個個走晒咁我哋點?」

陳太在香港土生土長,本來一直不捨得要和家人、朋友分開,但無奈眼見香港情況越加惡劣,《國安法》已是最後一根稻草,立法一刻,她形容是晴天霹靂,「即係無㗎喇喎,香港無㗎喇,7月1號開始已經一國一制,咁我仲留喺度做乜嘢呢?」她感到立法後短短個多月,香港再失去更多言論、新聞自由,教育、醫療等全方面被侵蝕,「我覺得新疆嗰套唔係嚟緊,係已經嚟到。」

現時彷彿連空氣中也凝聚恐懼感,她覺得以往電影才有的橋段竟明顯在香港現實世界出現,例如當權者公然指鹿為馬,「真係好驚亦唔識得去處理,完全諗唔到有咩方法;好簡單由細到大警察係幫你,但調返轉原來唔係㗎喎,咁我應該搵邊個求助呢?呢一刻真係諗唔到。」

陳生以往亦未曾考慮過離開香港,但今時今刻每日看到社會不公,他認為自己的唯一出路是遠赴他方重新開始,「覺得好似越嚟越無希望,社運之後開始會諗,香港仲適唔適合香港人去生活呢?」當現實的重量超負荷,二人只望到他方喘一口氣。

二人正努力工作賺錢,預備明年積蓄達標便起行,陳生計劃考取不同車牌以助求職,陳太再學習英文,已有心理準備爭取任何工作機會,「有預可能頭半年都搵唔到工,做清潔之類藍領工我都唔怕辛苦;過到去可能八、九成機會生活得比較艱苦,至少仲有兩成可能生活得好咗,但如果我喺香港,我預計到我將來係十成會差。」


回覆

使用道具 舉報

8123

主題

0

好友

6萬

積分

論壇元老

Rank: 8Rank: 8

發表於 2020-9-22 10:51:52 |顯示全部樓層

今年7月英國政府公佈BNO持有人可以申請LOTR(Leave Outside The Rules),提早獲得在當地工作等資格

雖然「五加一」料10月才公佈詳情,惟已有不少持有BNO港人去英國申請LOTR(Leave Outside the Rules),提早求職搵樓,亦有港人開設專頁分享經歷。「走佬到UK」版主「走佬媽」屬其中之一,本來已賣樓預備移民到門檻較低的塞浦路斯,惟因疫情影響一直未能成行,要先長住酒店。等到BNO新政策公佈,一家三口8月便出發抵英,女兒亦可以趕及開學。她指入境申請LOTR時,當地關員沒有要求出示某類文件,「但係我建議帶齊結婚證書、出世紙、銀行戶口之類文件穩陣。」

匆匆出走,很大原因是為了下一代,「自從舊年下半年見到警暴所作所為,政府根本就係縱容,法治名存實亡,藍絲永遠做咩都無事,的士佬車斷個女仔隻腳都可以冇任何嘅責任;(教育)又開始洗腦啦,我唔係幾接受得到香港會變成咁。」居英個多月,她感到當地人很友善亦清楚香港發生何事,小朋友十分適應,「就算只係去超級市場地方都大好多,佢可以得閒跑吓跳吓。」


受訪者的專頁收到不少港人成功申請LOTR定居英國消息,她和家人亦是8月抵英入境時申請了LOTR

英國移民顧問「Goodbye HK, Hello UK」香港代表Billy表示,今年7.1後收到數以千計查詢,主要屬30中至50多歲人士,其實去年下半年已開始多人查詢,若有大事發生日子,例如《禁蒙面法》通過當日更是一日已有上百人。他指,續領數字某程度可反映多少人考慮移民,雖然當地政策列明只要是合資格持有BNO人士,即使沒有護照在手亦可以申請,「但大部份人心態都係申請咗,袋住本護照穩陣,完全無興趣都唔會嘥時間申請。」

尚有約半年時間道別,即將面對茫茫未知的前路,遙望維港之際,陳太哽咽向每位曾為香港爭取過的港人道謝,「好多謝你哋創造咗感動全世界嘅歷史,同埋好想同一班年輕人講聲對唔住,如果我哋呢班中年嘅人後生時有為你哋爭取,守望住香港,可能今天你哋唔使行上街頭。」由昔日「大逃港」,到今日港人陸續遠走甚至有人流亡,誰知明年今日,香港尚能留住多少香港人

BNO今年首七月近6萬人續領 港人活在鄉愁再掀移民潮覓自由

回覆

使用道具 舉報

您需要登錄後才可以回帖 登錄 | 立即註冊

回頂部