找回密碼
 立即註冊
搜索
熱搜: 活動 交友 discuz
查看: 630|回覆: 1

黃店大渣哥茶記被貼大字報 市民排人龍「懲罰」!!!!

[複製鏈接]

1萬

主題

0

好友

7萬

積分

論壇元老

Rank: 8Rank: 8

發表於 2021-6-11 01:08:51 |顯示全部樓層
本帖最後由 S820 於 2021-6-11 01:10 編輯

黃店大渣哥茶記被貼大字報
市民排人龍「懲罰
一定更加支持 唔會因為咁嚇怕




黃店大渣哥茶記今日凌晨被兩人貼大字報,茶餐廳的閉路電視拍到兩名戴帽「兇徒」,凌晨鬼祟出現在九龍灣分店,在餐廳的玻璃櫥窗貼上十多張大字報,大字報彩色印刷「曱甴店 咪幫襯」字樣,兩名「兇徒」完成任務後,更拍照交差,施施然離去。有網民見字明言:又要我哋出動,快啲去懲罰渣哥喇,比啲低智商,睇吓高智慧人做乜喇!」今日午飯時間,茶餐廳門外有十多人排隊力撐等候入內,秩序井然。渣哥表示感謝加持,「繼續排長龍,仲要長咗」。

被滋擾的九龍灣分店位於常悅道21號The Eastmark地舖。渣哥今日凌晨在fb圖文並茂表示,指餐廳被貼「文宣」,他懷疑與日前在fb帖文「都只係講咗幾句前年609有103萬人上街⋯⋯跟住幫612呼籲幾句啫⋯⋯阿藍西你又使乜咁少氣呢?」有關

渣哥其後上載事發時所拍得的閉路電視,約今日凌晨3時19分,兩名戴帽、身材較纖細的人士,到九龍灣分店貼上大字報,只見他們逐張逐張貼上,逗留約兩分多鐘,其中一人在完成任務後拍照,方才離開。渣哥在帖文中表示:「睇返時間同我幾個水吧、工場師傅返到舖頭相差十零分鐘,差啲斷正.......睇佢哋收嘅錢都唔慌會多,但就全身包到上山採藥咁,都唔知為乜,真係人一藍⋯⋯我估最嬲應該係一陣嚟食Lunch嘅熟客:『仆佢個乖,本身條龍都夠長㗎啦⋯⋯』。

今日午飯時間,《蘋果》到九龍灣分店了解事件,發現十多張大字報已被撕走,只剩下半張殘缺部份。餐廳外有十多名市民排隊等候進入,有職員在門外打點,秩序良好。

食客陳氏夫婦一向有幫襯開大渣哥,被問到對方貼大字報的目的,陳太笑言「好明顯啦,想我哋懲罰佢(大渣哥),佢咁樣做,只會令多啲人懲罰佢,我哋幫襯開會更加support(支持),唔會對我哋有任何嚇怕,大家唔會驚咗呢件事!一定係嗰班人唔想我哋幫襯,或者想唱衰佢,但咁樣會令我哋更加支持佢,唔會驚咗佢,我哋一定會堅持(幫襯),唔會因為咁嚇怕。」

黎小姐亦坦言貼大字報「梗係唔啱」,「點解要咁樣,人哋都係開門做生意。成日都話黃絲對藍絲唔好,但藍絲咁樣做都唔啱!」她又直言貼大字報「梗係無理,無端端做乜貼人哋,人哋係私人地方,我諗佢哋都係為發洩,我理解唔到佢哋,我哋只會更加支持。」

胡先生認為「唔理乜嘢政見,就算黐啲乜嘢都好,都影響舖頭。但實際又唔會阻到人唔嚟食,唔知動機為乜,有啲蠢,唔會影響到市民唔幫襯。」

大渣哥茶記是由前香港小姐譚小環丈夫蔡強榮(渣哥)於2020年創辦,分別在九龍灣及灣仔都有分店,是黃色經濟圈中較有名的連鎖食肆。


cctv拍得兩人貼大字報。




大渣哥茶記今凌晨被貼「曱甴店 咪幫襯」大字報


市民排隊撐大渣哥茶記。


市民排隊撐大渣哥茶記


陳氏夫婦坦言「唔會驚咗佢,我哋一定會堅持(幫襯),唔會因為咁嚇怕。」

黃店大渣哥茶記被貼大字報 市民排人龍「懲罰」「一定更加支持 唔會因為咁嚇怕」

回覆

使用道具 舉報

1萬

主題

0

好友

7萬

積分

論壇元老

Rank: 8Rank: 8

發表於 2021-6-11 15:35:27 |顯示全部樓層

回覆

使用道具 舉報

您需要登錄後才可以回帖 登錄 | 立即註冊

回頂部